കാണാതായ 13 വയസ്സുകാരിയെ ഒഡീഷയിൽ കണ്ടെത്തി; കേരള പൊലീസ് സഞ്ചരിച്ചത് ആയിരക്കണക്കിന് കിലോമീറ്റർ

എറണാകുളം കുറുപ്പംപടി പൊലീസ് സ്റ്റേഷൻ പരിധിയിൽ നിന്ന് കാണാതായ 13 വയസ്സുകാരിയെ ഒഡീഷയിലെ ഗഞ്ചം ജില്ലയിൽ നിന്ന് കേരള പൊലീസ് കണ്ടെത്തി. അന്വേഷണത്തിന്റെ ഭാഗമായി പൊലീസ് സംഘം റോഡുമാർഗം ഏകദേശം 4,000 കിലോമീറ്റർ സഞ്ചരിച്ചതായാണ് വിവരം. നക്സൽ സ്വാധീനമുള്ള പ്രദേശത്ത് പ്രാദേശിക പൊലീസിന്റെ സഹായത്തോടെ നടത്തിയ രാത്രികാല നടപടിയിലൂടെയാണ് കുട്ടിയെ കണ്ടെത്തിയത്. തുടർന്ന് കുട്ടിയെ സുരക്ഷിതമായി കേരളത്തിലേക്ക് കൊണ്ടുവരുന്നതിനുള്ള നടപടികൾ സ്വീകരിച്ചു